Event Details

Vichar Bindu Foundation ke sathiyon, Samaj mein aavashyaktaon ki poorti karne ke sankalp se humne apni yatra prarambh ki thi, aur aaj humara prayaas daang namak kshetra mein safal hua hai. Hamare NGO ne Daang ke logon ko bhojan aur jal ka vitaran karke unki madad ki hai. Is mahaan kaaryakram ke dauran, humne dekha ki kis prakar se bhookh aur pyas se joojh rahe log apni jeene ki ladai ladte hain. Vichar Bindu Foundation ne yeh thaan liya hai ki hum apne samaj ke har ek vyakti ko jeevan ki aavashyaktaon se vanchit nahi hone denge. Humare volunteers ne is prayaas mein din raat ek karke bhojan aur paani vitarit kiya, taaki Daang ke har ghar tak sukhad jeevan ka sandesh pahunchaya ja sake. Hamari yeh koshish yahi tak simatne wali nahi hai. Humara sankalp hai ki hum aur bhi kshetron mein apne aise prayaas ko agle charan tak le jayenge. Hum vichar bindu ke madhyam se yeh sandesh dena chahte hain ki jeevan ka moolya sabhi ke liye ek samaan hai, aur har vyakti ko aadar, samman, aur jeevan ki aavashyaktaen prapt honi chahiye. Aayiye, hum sab milkar is prayaas mein apna yogdan dein aur Vichar Bindu Foundation ke sath milkar samaj mein ek naya adhyay likhein. Dhanyavad.